Yolsuzluqda avtomobil idarə edərkən hər ərazi fərqli yanaşma tələb edir. Raptor-un 4x4 imkanlarından ən yaxşı şəkildə istifadə edə bilməyiniz üçün Ərazi İdarəetmə Sistemi 4x4 pikapın sürətlənməsini, dartıya nəzarəti, sükan həssaslığını, ötürücü dəyişdirməni və digər funksiyaları əsaslı şəkildə tənzimləməyə imkan verir. Hər cür şəraitdə maksimum performans üçün altı fərqli rejimdən birini seçə bilərsiniz: Normal; Sport; Grass, Gravel and Snow; Mud and Sand; Rock və məğlubedilməz yolsuzluq performansı üçün Baja rejimi. 

Raptor asan açılan arxa qapı ilə təchiz olunub. Yəni 4x4 pikapımızın arxa qapısı ağıllı dizaynı sayəsində daha yüngül olub, indi onu açmaq, bağlamaq daha rahatdır. 

Ford Ranger Raptor-un unikal radiator qəfəsi, hər əraziyə uyğun şinləri ilə yüngüllehimli diskləri, ön və arxa bamperləri ona təkrarolunmaz görüntü bəxş edir. Raptor-un qalın “FORD” yazılı radiator qəfəsi onun təmkinli və sərt xasiyyəti ilə səsləşir. 17 düymlük yüngüllehimli disklərlə standart olaraq gələn 33 düymlük şinlər isə standart fabrik şinlərindən daha dəqiq protektor naxışı, daha uzunömürlü protektor və daha güclü yanları ilə fərqlənir. Raptor-un unikal ön və arxa bamperləri aqressiv eksteryerini tamamlayır. Salondakı bənzərsiz qızdırılan oturacaqlar, sükan və alətlər paneli isə Ford Ranger Raptor-u lüks pikapa çevirir. 

Hill Descent Control sistemi əyləcə və ya qaz pedallarına toxunmadan yolsuzluq şəraitində eniş sürətinizi tənzimləmək üçün nəzərdə tutulub, həm irəli, həm də geri ötürücüdə işə düşür. 

Performansdan ilhamlanmış maqnezium ötürücü ləçəklərlə sürətli və asan ötürücü dəyişikliyi barmaqlarınızın ucundadır. Onlar sükan çarxına quraşdırıldığına görə siz hər cür şəraitdə əllərinizi sükandan çəkmədən sürəti daha səmərəli dəyişə bilərsiniz.

Ranger Raptor-un qabaqcıl 2.0L bi-turbo EcoBlue dizel mühərriki daha çox güc, daha yaxşı səmərəlilik və daha az emissiya üçün hazırlanıb. 213 at/g və 500 Nm fırlanma anına malik bu mühərrik pikapların yolsuzluq performansı üçün yeni standartları müəyyən edir.